కరోనాతో పోరాడుతూ చెన్నైలోని ఎంజీఎం హాస్పిటల్‌లో చికిత్స పొందుతున్న గాన గంధర్వుడు ఎస్పీ బాలసుబ్రహ్మణ్యం ఆరోగ్యం నిలకడగా ఉంది. ఆయన ఆరోగ్య పరిస్థితి గురించి ఎంజీఎం హాస్పిటల్‌ యాజమాన్యం తాజాగా హెల్త్ బులిటెన్‌ను విడుదల చేసింది.

SPB Health : ఎస్పీబీకి వెంటిలేటర్, ఎక్మో సహాయంతో చికిత్స అందిస్తున్నామని, ఆయన ఆరోగ్యం నిలకడగా ఉందని పేర్కొంది.

“బాలు గారి ఆరోగ్యం నిలకడగా ఉంది. ఎక్మో సాయంతో వెంటిలేటర్​పై చికిత్స పొందుతున్నారు. మెలకువతో ఉండి స్పందిస్తున్నారు.” ఆస్పత్రి వర్గాలు తాజాగా విడుదల చేసిన హెల్త్ బులిటెన్ లో పేర్కొంది. కరోనా కారణంగా ఆస్పత్రిలో చేరిన బాలుకు సోమవారం నెగటివ్​గా నిర్ధరణ అయింది. ఈ విషయాన్ని ఆయన తనయుడు ఎస్పీ చరణ్ వెల్లడించారు. అనారోగ్యం కారణంగా చెన్నైలోని ఓ ఆస్పత్రిలో చికిత్స పొందుతున్నారు.

అయితే ఈ రెండు రోజుల్లో బాలు ఆరోగ్యంగా ఇంటికి చేరుకుంటారని అంతా భావించారు. అయితే తాజాగా విడుదలైన హెల్త్ బులిటెన్ ప్రకారం ఆయన మరికొన్ని రోజులు ఆస్పత్రిలోనే ఉండే అవకాశం ఉంది