logo

header-ad
header-ad

‘అన్ స్టాపబుల్’ బాలకృష్ణ

బాక్సాఫీస్ బొనంజా బాలకృష్ణ బుల్లితెర ఎంట్రీకి రంగం సిద్ధం అవుతోంది. త్వరలో ఓటీటీ ఫ్లాట్ ఫామ్ ఆహా కోసం టాక్ షో చేయబోతున్నాడు బాలయ్య. ‘అన్ స్టాపబుల్’ పేరుతో ఈ టాక్ షో నవంబరులో ఆరంభం కానుంది. దాదాపు 8 ఎపిసోడ్స్ తో ఈ షోను ఆరంభించబోతున్నారు. గంట పాటు ఉండే ఈ షో బాలకృష్ణతో పనిచేసిన నటీనటులు, సాంకేతిక నిపుణులను అతిథులుగా ఆహ్వానించబోతున్నారు. దీనికి సంబంధించిన ప్రోమో షూట్ కూడా పూర్తయింది.

టాలెంటెడ్ యంగ్ డైరెక్టర్ ప్రశాంత్ వర్మ ఈ ట్రలర్ షూట్ ను పూర్తి చేశాడట. ప్రశాంత్ వర్మకు యాడ్ ఫిల్మ్‌ మేకర్ గా గుర్తింపు ఉంది. డైరక్టర్ కాక ముందు పూర్తి స్థాయి యాడ్ ఫిల్మ్ మేకర్‌గా ఉన్న ఇతడు నాగార్జున బిగ్ బాస్ సీజన్ 5 ప్రోమోను కూడా షూట్ చేసి అభినందనలు అందుకున్నాడు. అందుకే ఆహా టీమ్ నందమూరి బాలకృష్ణ ప్రతిష్టాత్మక టాక్ షో ప్రోమో షూట్ కోసం అతడినే ఎంపిక చేసుకుంది. మరి వెండితెరపై బాక్సాఫీస్ హిట్స్ కొట్టిన బాలయ్య బుల్లితెరపై కూడా లయన్ అనిపించుకుంటాడేమో చూద్దాం.

Source: https://ntvtelugu.com/balakrsihna-hosts-a-talk-show-for-aha/

Leave Your Comment